Kultuur

Kunstefeesdeelname

Wat ‘n ongelooflike jaar! Die leerlinge het soos gewoonlik baie goed presteer. In 2018 het ons deelgeneem aan die Vaaldriehoek - en Vereeniging Kunstefees met verskeie individuele items en kunsstukke. Ons leerder is vereer met 30 prestasietoekennings en 55 leerders het erekleure ontvang vir hul deelname aan kunsfees en/of kultuuraktiwiteite.

Die spreekkore het voorwaar uitgeblink:

Die Graad 6 & 7 spreekkkoor het A+++ en A++ los gepraat met “Die Babalela”.

Die Graad 4 & 5 spreekkoor het twee A++ verdien met hulle “Rock and Roll Band”.

Die Graad 1 – 3 spreekkoor het een A++ behaal met “Die reën”.

Koor

Ons skoolkoor het ook aan die kunsfees deelgeneem en A en A+ verdien. Die hoogtepunt van die koorkalender was die Foyer Produksie, waar ons saam met Leah en ‘n paar ander skole opgetree het.

Redenaars

Ons skool bied jaarliks ‘n junior en senior interne redenaarskompetisie aan. Tydens hierdie kompetisie word daar gefokus op die ontginning van talent, ontwikkeling van die leerder en hulp met die skryf van toesprake. Ons leerders neem met ywer hieraan deel.

Ons neem ook deel aan die ATKV en Super 12 kompetisies. Ons het in 2018 ook vir die eerste keer aan die Oppie Tong Af- en Radikale Redenaarskompetisies deelgeneem, waar ons leerders baie goed presteer het.



ATKV

Drie van ons leerders het deurgedring na die semifinale rondte van die ATKV-kompetisie nl: Alexzandria du Preez (gr. 3), Franzèl Koen (gr. 5) en Ricardo Crous (gr.5)



Super 12

Rulané Koen (gr.7) en Abigail Pienaar (gr.2) dring deur na die finale rondte, wat ‘n baie groot prestasie is.



OPPIE TONG AF

Ricardo Crous (gr. 5) het deurgedring na die nasionale finaal en ‘n algehele vierde plek behaal. Baie geluk aan elke redenaar wat hierdie jaar ons skool by die onderskeie kompetisies verteenwoordig het. Ons is trots op julle!

Bybelvasvra

Is jy dapper? Hou jy van leer? WAAAAAAT?! Dan is Bybelvasvra jou ding!

Tiane de Klerk, Tayla Brisley, Janke-Daniel Steyn en Cheri-Lee was die dapper stappers deur die Woord vir 2018.

Lesedi Masehla, Leila Struwig, Amoné Pienaar en Armand Greyling was senior soldate van die Woord vir 2018.

Dansgroepe

Die skool se dansgroep, “Star it up!”, het ‘n jaar propvol opwinding beleef. Die groep het by verskeie geleenthede opgetree, ‘n klomp leerders het ook deurgedring na die finaal van Dans in jou taal.



Ons oulike Pom Poms het ook deur die jaar by verskeie geleenthede opgetree en on skool se naam hoog gehou

Revue / Konsert / Kunsuitstalling

In 2018 is die jong kunstenaars ook vereer vir hulle kunswerke by die Rotariërs se C4C-kunskompetisie

Ons het ons 40-jarige bestaansjaar met ‘n baie suksesvolle revue in Wonderland afgesluit.


Skaak
VCSV

Die VCSV kom elke twee Woensdag van 07:00 bymekaar om pitkos vir die siel te kry. Ons woon jaarliks ‘n junior en seniorkamp by Kainos kampterrein by om ons leerders geestelik te versterk. Deur die VCSC woon on sook jaarliks ‘n gesinskamp by om gesinne te bemoedig en bemagtig.

Mnr & Mej Kollegepark